जब राजेशका ओठ मेरा गाला हुँदै...

किस गरेकै हो, तर टङकिस होइन । ए बाबा ! यो त 'नर्मल' कुरा हो नि । दर्शकलाई त्यो सिन 'टङकिस' नै हो भनेर पछिसम्म क्याच गर्‍यो भने म सफल हुन्छु ।

पहिलो किस नै राजेश हमालसँग गर्न पाउनुभयो, कस्तो लाग्यो ?

मलाई गर्व लाग्यो । राजेश दाइको पनि फिल्ममध्ये मसँग नै पहिलो किस रहेछ । मलाई त खासै यो सिन दिन मन थिएन । गर्दिनँ भन्दै थिएँ, अरूले गर्नुपर्छ भने, फेरि राजेश दाइले पनि यो 'भल्गर' होइन भन्नुभयो । मलाई पनि पछि ठीकै हो जस्तो लाग्यो, त्यसैले गरेँ ।

पर्दाबाहिर चाहिँ किस गर्नुभएको छ कि छैन ?

छैन । पर्दाबाहिर मलाई मायाले आमाबुबा र दिदीले चाहिँ किस गर्नुभएको छ ।

फिल्ममा किस सिन दिएपछि परिवारको प्रतिक्रिया के रह्यो ?

परिवारले राम्रै प्रतिक्रिया दिनुभयो । मैले उहाँहरूलाई अगाडि नै जानकारी गराएकी थिएँ । मेरो परिवार बुझ्ने हुनुहुन्छ । फिल्ममा त्यो नाटकमात्र हो भन्ने उहाँहरूलाई थाहा छ ।

फिल्ममा टङकिसप्रति दृष्टिकोण बदलिएको हो ?

हरेक कुराको विकास हुँदै जाने हो । र, विकास गर्नु पनि पर्छ । किस पनि त्यही विकास क्रममा आएको हो । 'टङकिस' सामान्य कुरा हो । हाम्रा फिल्महरू गाउँले परिवेशमा मात्रै बन्नुपर्छ भन्ने छैन । आधुनिक कुरा पनि फिल्ममा राख्दै लैजानुपर्छ ।

यस्ता सिनबाट युवामा कस्तो सन्देश जाला ?

जहाँ पायो त्यहीँ, जसरी पनि किस गर्नुभएन, तर यस्तो सिनले युवाले पनि फ्रेस अनुभव गर्छन् । यसले विकृति ल्याउलाजस्तो लाग्दैन ।

आजकलका युवा खुला ठाउँमै किस गर्छन्, यो विकृति हो कि होइन ?

यो विकृति हो । ठीक ठाउँमा बसेर किस गर्नुपर्छ । यसले समाजमा राम्रो सन्देश जाँदैन ।

यो विकृति पनि फिल्मले नै ल्याएको होइन र ?

होइन । समाजको विकाससँगै युवाले सिके ।

यो सिनका लागि कति टेक दिनुपर्‍यो ?

पहिलो टेकमै ओके भयो । राजेश दाइ नायिकाहरूसँग खासै घुलमिल हुनुहुन्न । उहाँले मलाई सम्झाउनुभयो । राजेश दाइले म तिम्रो ओठमा मात्रै छुन्छु भन्नुभयो । पछि उहाँले आफ्नो ओठ बिस्तारै मेरो गाला हुँदै ओठसम्म ल्याउनुभयो र हल्कासँग छुवाउनुभयो ।

अनुभूति कस्तो रह्यो नि ?

मलाई त्यस्तो केही पनि अनुभूति भएन । मैले चाहेर होइन, कथाले मागेर गरेकी हुँ । व्यक्तिगत जीवनमा मायाले किस गरेको भए मजाको अनुभूति हुन्थ्यो होला, तर यो त फिल्म हो नि । यहाँ त नाटक गरिन्छ ।

त्यसो भए कथाले माग्यो भने जे पनि गर्नुहुन्छ ?

गर्दिनँ । मैले कतिवटा फिल्म छाडेकी छु । जे पनि त म गर्दिनँ ।

यस्ता सिनले तपाईंको बिहेलाई असर गर्लाजस्तो लाग्दैन ?

मेरो कुरा बुझ्ने केटा चाहियो । यो नन्दिताले चाहेर होइन, कथाले मागेर गरेको हो भन्ने बुझ्नुपर्‍यो । मलाई बुझ्ने केटासँग मात्रै म बिहे गर्छु । यस्ता सिनले मेरो आउने जीवनलाई असर गर्छजस्तो लाग्दैन ।

तपाईंले हेरेमध्येका कुन फिल्मको किस मनपर्‍यो ?

म फिल्ममा टङकिस सिन आउला कि भनेर हेर्दिनँ । पछिल्लो समय हेरेको कम्बक्त इस्क, लभ आजकलमा देखाइएको किस सिन मनपर्‍यो ।

सपनामा कसैले किस गरे ?

त्यस्तो सपना देखेकी छैन । देखेकै भए पनि याद भएन ।

खुलापनको अभ्यासमा किस अनिवार्य हो ?

सम्बन्धित मान्छेसँग किस अनिवार्य हो । जस्तै, श्रीमान् र श्रीमतीको । जो पायो त्यहीसँग किस गर्नुहुन्न ।

तपाईंलाई कस्तोखाले किस मनपर्छ ?

मायाले गरिएको किस मनपर्छ । किसमा उत्तेजनाचाहिँ हुनुभएन, तर ग्ल्यामर देखिनु राम्रो हो ।

किस जैविक आवश्यकता हो कि सेक्स ?

दुवै हो । जिन्दगी सुन्दर बनाउनका लागि किस र सेक्स दुवै आवश्यक छ ।