हिरोइन र मेकअप म्यानबीच चर्काचर्की

एउटै सिनमा नायिकाले आफ्नै सुरले चारथरीका लिपस्टिक लगाइन् भने के होला ? यस्तै भयो सोमबार भागीभागी नजाऊ फिल्मको सुटिङमा । नायिका जेनिशा केसीले एउटै सिनमा फरक-फरक रङका लिपस्टिक लगाएर तनाव दिएपछि फिल्मका मेकअप म्यान उनीदेखि बम्किएनन् मात्र ँयस्ता कलाकारसँग काम गर्न सक्दिनँ’ भन्दै फिल्म छोड्ने चक्करमा लागे ।

चिरञ्जीवी बस्नेतको निर्माण तथा मदन घिमिरेको निर्देशनमा हाल उपत्यकाका विभिन्न स्थानमा छायांकन भइरहेको फिल्म भागीभागी नजाऊ फिल्मकी नायिका जेनिशाले एउटा सिनको सुटिङका क्रममा आफ्नै मनोमानी गर्दै सटैपिच्छे फरक-फरक रङका लिपस्टिक लगाउँदा मेकअप म्यान रवि केसीमात्र होइन, पूरै युनिट चकित पर्‍यो । यो के गरेको ? भनेर उनले सम्झाउन खोज्दा जेनिशा उल्टो तात्तिइन् । 'मेरो ओठ हो, आफ्नो खुसीले लिपस्टिक पनि लगाउन नपाउने ?

’हिरोइनको कुतर्क सुनेर मेकअप म्यान हैरान भए । सेटमै उनीहरूबीच चर्काचर्की पर्‍यो । अनि रविले निर्माता चिरञ्जीवीलाई भने, ँम तपाईंको फिल्म गर्दिनँ । भोलिदेखि अर्कै मेकअप म्यान खोज्नुस् ।’ निर्माता किन मान्थे र ? फकाइफुलाई काम गराइरहेका छन् । ँमलाई काम गर्न गाह्रो भइरहेको छ । उनले आफूखुसी मेकअप गर्छिन् । निर्देशकले मलाई हकार्छन् ।’ मेकअप म्यान रविले तात्तिँदै भने, आफंै मेकअप गर्ने भए हामी किन चाहियो ?’

जेनिशाले सुटिङमा अनेक उपद्रो गरेर तनाव दिने गरेको भागीभागी नजाऊमा संलग्न प्राविधिक बताउँछन् । नायिका जेनिशाले सुटिङका अन्य प्राविधिकसँग पनि राम्रो बोलचाल नगर्ने गरेको उनीहरूको गुनासो छ । एकजना प्राविधिकले नाम नछाप्नुहोला भन्दै भने, ँजेनिशाको बोल्ने तमिज छैन । बानीबेहोरा पनि ठीक छैन । त्यसैले म त बोल्दिनँ ।

’उनले बताएअनुसार एक-आपसमा कुरा गरिरहेका प्राविधिकहरू जेनिशाको 'इन्ट्री’ भएपछि चुपचाप लाग्ने गर्छन् । जेनिशा युनिटमा निर्देशक, निर्माता र नायक विराज भट्टबाहेक अन्यसँग बोल्नै खोज्दिनन् । अर्का प्राविधिकले गुनासो पोखे, ँहामीजस्तो सानो मान्छेसँग केको फूर्ति गर्नु ? एक वचन मीठो बोलिदिए के बिग्रन्छ र ?

’ सेटमा जेनिशाले विनाकारण दुःख दिने गरेको उनीहरूको गुनासो छ । उनले घाम नलागे पनि आफूलाई छाता ओढाउन छुट्टै मान्छे माग्छिन् । उनले अर्का पनि 'डिमान्ड’ राखेकी छिन्, 'एकाबिहानै निद्रा डिस्ट्रर्ब गर्न आउने होइन । लाइटिङ भइसकेपछि मात्र लिन आउनू ।’ आफ्नो फिल्मकी नायिकाले प्राविधिकलाई दिइरहेको तनावका बारेमा निर्माता र निर्देशकलाई भने केही थाहा छैन रे ।

के हो त मुख्य कुरा ? भनिसोध्दा निर्माता चिरञ्जीवीले आफूलाई यसबारेमा केही थाहा नभएको बताए भने निर्देशक मदन घिमिरे मेकअप म्यान रवि रिसाएको भन्ने सुनेको तर किन, कोसँग भन्नेचाहिँ थाहा नभएको बताए । चर्काचर्कीपछि जेनिशा र मेकअप म्यान रविको बोलचाल छैन । रवि जेनिशाको वास्ता नगरिकनै मेकअप गर्ने गरेको सुटिङका प्राविधिक बताउँछन् ।