समर फेसन

लेयर अप

समर अर्थात् गर्मी याम　। सूर्यको प्रचण्ड राप र तापबाट बच्न महिलाहरू कमभन्दा कम लुगा लगाउने गर्छन्　। अब पहिरन कति र कस्तो लगाउने भन्ने कुरा मौसमले निर्धारण गर्ने कुरा रहेन　। यो त अचेल फेसनले निर्धारण गर्छ　।

अहिले संसारभरिकै सहरिया महिलामाझ गर्मीमा लेयर अप या लेयरिङ गर्ने फेसन चलेको छ　। लेयर अप भनेको लुगामाथि लुगा लगाउनु हो　। तर, यसको मतलब जाडो याममा जसरी लुगामाथि लुगा लगाउनु लेयरिङ या लेयर अप होइन　। एउटा लुगामाथि अर्काे एउटा या दुइटा लुगा लगाउनु, तर प्रत्येक लुगा देखिनेगरी लगाउनु लेयरिङ हो　।

भारतीय फेसन डिजाइनर नाचिकेत बार्भेका अनुसार यस वर्षको गर्मीको फेसन ट्रेन्ड भनेको लेयरिङ हो　। 'यस वर्ष महिलाका कपडा पातला हुनेछन्　। टुले, अर्गन्जा, सिफोन, सफ्ट नेटजस्ता हावा छिर्ने, हलुका र पारदर्शी कपडा यसपालिको गर्मीमा खुब चल्नेछन्,' बार्भेको भनाइ छ　।

लेयरिङ किन ?

लेयरिङले तपाईंको लवाइमा महत्त्वपूर्ण आयाम थप्न सक्छ　। विशेषगरी, फरक-फरक रंगका लुगा प्रयोग गरेर लेयरिङ गरियो भने व्यक्ति आकर्षक देखिन्छ　। लेयरिङ सक्रिय सामाजिक जीवन बिताइरहेका महिलाका लागि अझ उपयोगी हुन सक्छ　। एउटा पहिरन फुकालेर अर्काे पहिरन तुरुन्त थप्न सकिन्छ　। र, यसरी पार्टी या जमघटका लागि तुरुन्त तयार हुन सकिन्छ　। लेयरिङले महिलालाई स्मार्ट र आकर्षक देखाउने काम गर्छ　।

लेयरिङमा के-के प्रयोग गर्न सकिन्छ ?

हलुका फेबि्रकले बनेका समर ज्याकेट, लुज र धर्के लुगा लेयरिङमा प्रयोेग हुन सक्छन्　। 'फरक-फरक रंगका पहिरन प्रयोग गर्नु नै लेयरिङ गर्ने उत्तम तरिका हो,' फेसन डिजाइनर बार्भे भन्छन्　।

भर्जिनल ह्वाइट

केही वर्षअघिसम्म सेतो रंगलाई गर्मीको प्रतिकात्मक रंगका रूपमा लिइन्थ्यो　। तर, फेसनले हामी बाँचिरहेको समयलाई प्रतिनिधित्व गर्ने हो　। गृष्म ऋतुमा सेतो रंगकै पहिरन उपयुक्त हुन्छ भन्ने विश्वास लगभग समाप्त भइसकेको थियो　। केही वर्षयता कालो र एसिड रंग खुब चल्न थालेका थिए　। तर, अचेल सेतोले पुनः प्रवेश पाएको छ　। फेसन स्टाइलिस्ट निशा कुन्दनी भन्छिन्, 'अहिले सेतो रंगको महिला पहिरनमा पुनरागमन भएको छ　। यो खराब समय -आर्थिक मन्दी)को समाप्तिको संकेतका रूपमा आएको छ　। त्यसैले, काल्भिन क्लिन, फेन्डी, इभेस सेन्ट लरेन्ट, गुचीजस्ता विश्वप्रसिद्ध ब्रान्डले आफ्ना स्पि्रङ/समर कलेक्सनमा सेतो रंगको अत्यधिक प्रयोग गरेका छन्　।'

विश्वप्रसिद्ध सेलिबि्रटीहरू लेडी गागा, बियोन्से, रिहाना, इभा लोंगरिया, पिंक, मेगा फक्स आदि ०१० को ग्रामी अवार्डसमा सेतो पहिरनमा देखापरेका थिए　।

सेतो रंग सफा र ताजा देखिन्छ　। कालो, गोरो जस्तोसुकै छाला भएकालाई पनि सेतो खुल्छ　। यसले छालालाई चम्किलो बनाउने सामथ्र्य राख्छ　। निशा भन्छिन्, 'सेतो रंग खुल्छ भन्दैमा शिरदेखि पाउसम्म सेतै पहिरन लगाउनुपर्दैन, सहज हुनेगरी पहिरन तय गरे हुन्छ　।' अर्का फेसनडिजाइनर अभिषेक दत्ता सेतोसँग सुन्तला, रातो र हरियो रंगको संयोजन गर्नु राम्रो हुने बताउँछन्　।

छोटा-छोटा लुगा

अचेल सहरिया युवतीहरू फिटनेसमा एकदमै ध्यान दिन थालेका छन्　। जिम नजाने युवती भेट्टाउन कठिन छ　। स्कर्ट र अरू छोटा लुगाले महिलालाई सेक्सी देखाउँछ　।

स्कर्टभित्र केही नलगाउने बानी भएका युवतीका लागि छोटो स्कर्ट उपयुक्त हुन्छ　। तर, स्कर्टभित्र स्टकिङ लगाउने बानी भएकाहरूले चाहिँ रंग, फिटिङलगायतका दृष्टिबाट स्कर्ट र स्टकिङको संयोजन गर्नु जरुरी हुन्छ　।

साँघुरा लुगा

साँघुरा खालका, तर फिट हुने पहिरन नै यस वर्षको गर्मीका लागि पुरुष पहिरन हुनेछन्　। जिउमा टाँसिनेगरी टाइट हुने टिसर्ट, सर्ट र समरज्याकेट तथा जिन्सपाइन्ट यस गर्मीमा ट्रेन्डी पहिरन हुनेछन्　। फेसन डिजाइनर आशिष सोनी भन्छन्, 'छोटो समरज्याकेट र साँघुरो पाइन्टले पुरुषलाई सेक्सी देखाउँछ　।' मिलान फेसन विक, स्पि्रङ/समर २०१०मा अधिकांश डिजाइनरले यस्तै पुरुष पहिरन प्रस्तुत गरेका थिए　। रोबर्टा काभालीजस्ता अन्तर्राष्ट्रिय डिजाइनर र बोटेगा भेनेटाजस्ता डिजाइन हाउसहरू भी सेप्ड ट्राउजर, क्रिस्प सर्ट र छोटा ज्याकेट प्रस्तुत गरिरहेका छन्　। र, संसारभरि नै यो पहिरनलाई अत्यधिक रुचाइएको छ　।

यस लुकको विशेषता के हो भने यसले कम उचाइ भएका र मोटा व्यक्तिलाई पनि आकर्षक देखाउँछ　। फेसनडिजाइनर नितिन बाल चौहान भन्छन्, 'कम उचाइ भएका र मोटा मानिसले आकर्षक देखिनका लागि साँघुरा पाइन्ट लगाउनुपर्छ　।'

साँघुरा पहिरन लगाउनेले ध्यान दिनुपर्ने मुख्य कुरा फिटिङ हो　। जिन्स या ट्राउजर राम्रोसँग फिट भएन वा पाइन्टको मोता लामो भएर गोलीगाँठोतिर झुल्यो भने लगाउने मान्छे बदमास या जोकरजस्तो देखिन सक्छ　। सामान्य उचाइ भएकाहरूका लागि पनि यही कुरा लागू हुन्छ　।

ओरेन्ज फेमिली

गत वर्ष विश्व फेसन जगतमा पर्पल (प्याजी रंग) लोकपि्रय भएपछि फेसन गुरुहरूले यस वर्षको गर्मीमा पुरुषहरूमाझ ओरेन्ज फेमिली (सुन्तला रंगको परिवार) लोकपि्रय हुने घोषणा गरिसकेका छन्　। पुरुषहरू कालो, खैरो र नीलो रंगदेखि बोर भइसकेका छन् भन्ने निक्र्याेल निकालेका छन् उनीहरूले　। सुन्तला रंगको परिवारभित्र रातो, बैजनी, गुलाबी आदि पर्छन्　। यस्ता रंगका टिसर्ट, ट्राउजर, ज्याकेटदेखि चप्पलसम्म लोकपि्रय भइरहेका छन्　।

फंकी टिसर्ट

फंकी टिसर्ट भन्नासाथ र्‍यापरहरूले लगाउने ह्वाल्र्यांगे टिसर्ट बुझिन्छ　। तर, फंकी टिसर्ट नयाँ रूपरंग र प्रविधिमा आइसकेको छ　। यसमा इम्ब्रोइडरी पनि समावेश भइसकेको छ　। यसमा इन्द्रधनुषी रंगलाई एक-अर्कामा मिसाएर ग्राफिक पि्रन्ट सिर्जना गरिएको छ　।

फंकी टिसर्ट जुनसुकै उमेरका पुरुषका फेसन स्टेटमेन्ट बन्न सक्छ　। र, यसले मानिसलाई 'कुल' पनि देखाउँछ　।

फंकी टिसर्टमा अचेल डिज्ने कार्टुनका मिकी माउसजस्ता लोकपि्रय चरित्र पनि छापिन थालेका छन्　। त्यस्तै, सुपरम्यान, ब्याटम्यानजस्ता सुपरहिरोहरू पनि यस्ता टिसर्टमा देखिन थालेका छन्　।

जिन्स पाइन्टसँग फंकी टिसर्ट खुब सुहाउँछ　। यो संयोजन टिनएजरदेखि प्रौढसम्मलाई आकर्षक देखाउन सफल हुन्छ　।