केटी जिस्क्याउनेलाई कर-सजाय

भारतीय अर्थमन्त्रीलाई उनकी छोरीले बजेटमा केटी जिस्क्याउने पु/mषको आम्दानीमा कर लगाउन माग गरेकी छिन्　।

भारतका अर्थमन्त्री प्रणव मुखर्जीलाई अहिले धमाधम सल्लाह/सुझाब दिइँदै छ　। आगामी बजेटमा के-के हुनुपर्छ, त्यसबारे सामान्य गृहिणीदेखि विद्वान्सम्म उनलाई सल्लाह दिइरहेका छन्　। सल्लाह मात्रै होइन, माग पनि गरिरहेका छन्　। उदाहरणका लागि विश्वप्रसिद्ध अखबार वाल स्टि्रट जर्नलले मुखर्जीलाई बोल्ड -साहसी) बजेट ल्याउन सल्लाह दिएको छ　।

अर्थमन्त्रीसँग माग गर्ने उनकै सुपुत्री पनि पर्छिन्　। शर्मिष्ठा मुखर्जीले पिता प्रणव मुखर्जीलाई सन् २०१०-११को बजेटमा महिलाहरूलाई जिस्क्याउने आवारालाई पनि करको दायराभित्र ल्याउन माग गरेकी छिन्　। शर्मिष्ठाले एक खुलापत्रमार्फत आफ्ना पितासँग 'बदमास' पुरुषहरूको आयमा ९५ प्रतिशतसम्म कर लगाउन माग गरेकी छिन्　।

उनले पत्रमा लेखेकी छिन्, 'घरमा तपाईंलाई बजेटका बारेमा राम्रो सल्लाह दिन खोज्दा तपाईं जहिले पनि मलाई बोल्न दिनुहुन्न　। आशा छ- यसपटक तपाईंले मेरो मागप्रति गम्भीरतापूर्वक विचार गर्नुहुनेछ　।' प्रसिद्ध नृत्यांगना शर्मिष्ठाले कलाकारहरूलाई करमुक्त गर्नुपर्ने माग पनि गरेकी छिन्　।