'भुवनसँग खेल्ने कल्पनै थिएन'

'भुवन केसीको जोडी भएर फिल्म खेल्नु मेरो कल्पनाबाहिरको कुरा थियो,' पुलकित हँुदै नायिका रेखा थापाले फ्ल्यासब्याक सुरु गरिन्, 'भुवन केसी मेरो ममीको फेभरेट हिरो　। म सानोमा बालकलाकार बन्न चाहन्थेँ　।' त्यतिवेला विराटनगरमा साइनो फिल्म चलेको थियो　। त्यो फिल्ममा रक्षा मार्क बालकलाकार थिइन्　। ममी-बाबाले 'तँजत्रा केटीले फिल्म खेलेका छन्' भनेर हेर्न लग्नुभएको थियो　। कुनै दिन हिरोइन बनेँ भने भुवन केसीसँग खेल्छु भन्ने सोचाइ थियो　। तर, म हिरोइन बन्दा उहाँ हिरोभन्दा निर्माता बढी बन्नुभएको थियो　। एज डिफरेन्सले गर्दा पनि उहाँको जोडी बनेर खेलुँला भन्ने कल्पनै गरेकी थिइनँ　।'

पहिलोपटक नायक भुवनसँग उनैले निर्माण गरेको साथी म तिम्रो फिल्ममा सँगै अभिनय गरिरहेकी रेखालाई अहिले महसुस भएको छ रे ! साँच्चै हिरो त भुवन दाइ रहेछन्　। 'साइनोमा हेर्दा उहाँलाई जस्तो देखेकी थिएँ, अहिले सँगै काम गर्दा पनि उस्तै पाएकी छु　। यो उमेरमा पनि उहाँ हिरै लाग्छ　।' भुवनबाट आफूले पनि केही नयाँ कुरा सिकेको बताउँदै रेखाले भनिन्, 'मेन्टन गर्‍यो भने बुढ्यौलीलाई पनि ढाक्न सकिनेरहेछ　।'

शिव रेग्मीको निर्देशनमा सुटिङ भइरहेको साथी म तिम्रोभित्र रेखा संघर्षबाट उचाइमा पुगेकी नम्बर वान हिरोइनको भूमिकामा छिन्　। 'हिरो फिल्म ताकाको संघर्ष याद आइरहेको छ,' फिल्मको भूमिका र आफ्नो वास्तविक जीवन केही हदसम्म मिल्ने बताउँदै उनले भनिन्, 'हिरोइन बन्न अडिसन दिन जाने, निर्देशक, निर्माताले अन्तर्वार्ता लिन, पहिलो फिल्म पाउँदा खुसीले पागल बन्ने　। सफलता हात पर्दै जाँदा अझ बढी गरूँ भन्ने जोश आउने　। शिखरमा पुगेपछि त्यो स्थान बचाउनका लागि अझ धेरै मिहिनेत गर्नुपर्ने　। वास्तविकतासँग धेरै हदसम्म मिल्दो कथा छ　।'

'फिल्ममा आफू डाक्टरको छात्रवृत्ति छाडेर हिरोइन बन्न आएको चरित्रमा रहेको बताउँदै रेखाले भनिन्, 'अर्का तर्फबाट किन मिल्दोजुल्दो छ भने फिल्ममा म डाक्टरी पढ्ने छात्रवृत्ति छाडेर हिरोइन बन्न आएकी हुन्छु　। वास्तविक जीवनमा म एयर होस्टेजको टे्रनिङ छाडेर हिरोइन बन्न आएकी हुँ　। कुरा उस्तै-उस्तै हो　।'

भुवन केसी निकै को-अपरेटिभ लागेको छ रे ! उनलाई　। भनिन्, 'म उहाँभन्दा धेरै जुनियर हुँ　। उहाँले हरेक सिनमा सहयोग गर्नुहुन्छ　। कतिपय सिनियर हिरोले आफ्नो डाइलग सिद्धिएपछि लुक्स पनि दिन्नन्　। भुवन दाइले हरेक सटमा फिलिङ्स ल्याउन साथ दिने गर्नुभएको छ　।' फिल्मभित्र भुवन साथी म तिम्रो नामक फिल्मको निर्माता निर्देशक र रेखा हिरोइनको भूमिकामा छन्　। यसअघि फिल्म क्षेत्रकै कथामा सुपरस्टार बनाएका भुवनले यसपालि पनि आफ्नो फिल्ममा फिल्मभित्रकै कथा उठाएका छन्　।