Naya Patrika: हार्वार्ड सर्बोत्कृष्ट विश्वविद्यालय

हार्वार्ड सर्बोत्कृष्ट
विश्वविद्यालय
================================================================================
नवीन तिमिल्सिना on 12/10/2009 01:36:00
 
विश्वका सर्वोत्कृष्ट
विश्वविद्यालयको सूचीमा यस
वर्ष पनि अमेरिकाको हार्वार्ड
विश्वविद्याल शीर्षस्थानमा
रहन सफल भएको छ । चर्चित अखबार
टाइम्सले प्रकाशित गर्ने
टाइम्स हाइयर एजुकेसन-क्युएस
वल्र्ड युनिभर्सिटी
र्‍याङकिङमा हार्वार्ड २००४
देखि लगातार पहिलो स्थानमा
रहँदै आएको छ ।
टाइम्सले बिहीबार सार्वजनिक
गरेको सो सूचीमा बेलायतको
क्याम्बि्रज विश्वविद्यालय
दोस्रो स्थानमा छ भने
अमेरिकाकै याले विश्वविद्यालय
तेस्रो स्थानमा रहेको छ ।
क्याम्बि्रज २००८ मा दोस्रो
स्थानमा रहेको याले
विश्वविद्यालयलाई उछिन्दै
दोस्रो स्थानमा आएको हो । याले
भने तेस्रो स्थानमा झरेको छ ।
सूचीका उत्कृष्ट दसमा ६
अमेरिकी र चार बेलायती
विश्वविद्यालय रहेका छन् । गत
वर्ष सातौ स्थानमा रहेको
युनिभर्सिटी कलेज अफ लन्डन तीन
स्थान माथि उक्लँदै चौथो
स्थानमा आएको छ भने अक्सफोर्ड
विश्वविद्यालय चौथो स्थानबाट
झरेर पाँचौँ स्थानमा झरेको छ ।
अक्सफोर्डसँगै पाँचाै स्थानमा
एक स्थानमाथि उक्लिन सफल
संयुक्तअधिराज्यको इम्पेरियल
कलेज लन्डन रहेको छ । अमेरिकाको
सिकागो विश्वविद्यालय अघिल्लो
वर्षको तुलनामा एक स्थानमाथि
उक्लँदै सातौं स्थानमा आउन सफल
भएको छ भने अमेरिकाकै
पि्रन्स्टन विश्वविद्यालय चार
स्थानमाथि उक्लँदै उत्कृष्ट
१२ बाट आठौँ नम्बरमा आइपुग्न
सफल भएको छ । टप टेनमा रहेका
विश्वविद्यालयमा अमेरिकाको
क्लालिफोर्निया इन्स्टिच्युट
अफ टेक्नोलोजी उच्च पाँच स्थान
तल झर्दै दसौँ नम्बरमा
आइपुगेको छ भने कोलम्बिया
विश्वविद्यालय टप टेनबाट तल
र्झदै एघारौँ स्थानमा
आइपुगेको छ ।
२००४ देखि बर्सेनि प्रकाशन
हुँदै आएको सो सूचीमा
विश्वविद्यालयलाई विभिन्न
कसीमा राखेर मूल्यांकन गर्ने
गरिन्छ, जसमा अग्रजहरूको
मूल्यांकनबाट ४० प्रतिशत,
अन्तर्राष्ट्रिय
विद्यार्थीको मतबाट ५ प्रतिशत
फ्याकल्टी तथा विद्यार्थीको
मतबाट २० प्रतिशत, कर्मचारी
छनोटकर्ताहरूबाट १० प्रतिशत,
अन्तर्राष्ट्रिय
विश्वविद्यालयहरूको
मूल्यांकनबाट ५ प्रतिशत र
कलेजको फ्याकल्टी तथा
शिक्षकको सिफारिसबाट २०
प्रतिशत अंक गणना गर्ने गरिन्छ
।
विश्वभरिका उत्कृष्ट दुई सय
विश्वविद्यालय समावेश गरिने
सो सूचीमा अमेरिकी
विश्वविद्यालयकै बाहुल्य छ ।
उच्च सयमा ५४ अमेरिकी
विश्वविद्यालय सो सूचीमा
समावेश छन् । तर, अघिल्ला
वर्षको तुलनामा यस वर्ष
अमेरिकाको प्रभाव केही न्यून
हुँदै गएको छ भने एसियाली
विश्वविद्यालय सूचीमा प्रवेश
गरेका छन् । उच्च सयको सूचीबाट
अमेरिकाका ५ विश्वविद्यालय
झरेका छन् भने चार
विश्वविद्यालय सूचीबाट नै
बाहिरिएका छन् । अमेरिकी
विश्वविद्यालयलाई
प्रतिस्थापन गर्दै एसियाली
मुलुक जापान, हङकङ, दक्षिण
कोरिया तथा मलेसियाका
विश्वविद्यालयहरू सो सूचीमा
प्रवेश गरेका छन् ।
एसियाली मुलुकहरू उच्च
शिक्षामा उल्लेख्य लगानी
गर्दै स्तर सुधारेकाले प्रगति
गर्न सफल भएको बोस्टन कलेजको
उच्च शिक्षा केन्द्रका
निर्देशक फिलिप अल्टबाचले
बताए । 'अन्तर्राष्ट्रिय
विश्वविद्यालयबाट समेत
प्राध्यापकहरू भित्र्याएका
कारण उनीहरूको शिक्षा गुणस्तर
बढेको छ,' उनले भने ।
सो सूचीमा जापानका ११
विश्वविद्यालय समावेश छन् । गत
वर्ष उच्च सयमा चार
विश्वविद्यालय रहेकोमा यस
वर्ष दुई थपिएका छन् । सूचीमा
समावेश हुने नयाँ
विश्वविद्यालयमा तुसुकावा
विश्वविद्यालय एक सय ७४औं,
केेइयो विश्वविद्यालय एक सय
४२औं रहेका छन् । एसियाली
विश्वविद्यालयमा जापानको
टोकियो विश्वविद्यालय अघिल्लो
वर्षको तुलनामा ३ स्थान तल
र्झदै २२औं स्थानमा छ । यसैगरी,
छिमकी मुलुक चीनका ६ तथा भारतका
दुई विश्वविद्यालय सो सूचीमा
पर्न सफल भएका छन् ।
एजेन्सीको सहयोगमा