Naya Patrika: झरना नै सबैभन्दा मायालु

झरना नै सबैभन्दा मायालु
================================================================================
प्रमिला देवकोटा on 09/02/2010 08:34:00
 
प्रेम र बिहे भनेपछि नाक
खुम्च्याउने आलोक नेम्वाङ
रोमान्समा भने विश्वास गर्छन्
। प्रेम-संवादको सुरुमै उनले
भने, 'म त्यसका लागि सायद सही
मान्छे होइन ।'
चार सयभन्दा बढी म्युजिक
भिडियोमा प्रेम र रोमान्सको
दृश्य देखाएका आलोकले अझै
प्रेम गरेका छैनन् त ? 'रोमान्स र
प्रेम फरक-फरक कुरा हुन् ।
प्रेममा एट्याचमेन्ट हुन्छ ।
मलाई त्यो मन पर्दैन । रोमान्स
त समझदारीमा जोसँग पनि
हुनसक्ने भयो । म रोमान्सको
पक्षपाती हुँ ।
***
आलोकले प्रेम गरेको पहिलो
महिला को होलिन् ? 'मेरी आमा,'
उनले झ्वाट्टै भने, 'सबैको
आमासँगै त हुन्छ, होइन र ?'
उनी मामाज ब्वाई -आमाको प्यारो
छोरा) हुन् रे । आमासँग बढी नै
नजिक थिए । 'म त आमाको साडी नै
समातेर बस्थँे !' उनले मुसुक्क
हाँस्दै भने ।
उनकी आमाको नाम कान्छीे ।
त्यसैले कान्छी शब्द भएका सबै
गीत उनलाई मन पर्दैनथ्यो ।
रेडियोबाट यस्ता गीत बज्दा
उनलाई असाध्यै रिस उठ्थ्यो ।
'अरूले मेरी आमाको नाम लिँदा
मबाट मेरी आमा खोसिएजस्तो
लाग्थ्यो,' उनले सुनाए ।
यता रेडियोमा राम थापाको
कान्छीलाई भगाई लग्यो
झिल्केेले... बज्थ्यो, उता आलोक
रेडियो नै फुटाउने गरी
जोसिन्थे, 'के गीत गाको यस्तो ?
कान्छीलाई भगाउने रे ! मेरी
आमूलाई भगाउने ? त्यसलाई म...'
आलोकलाई अहिले पनि परिवारका
सदस्यले यही कुरा झिकेर
जिस्काउने गर्छन् ।
दस/एघार वर्षको उमेरसम्म उनी
आमालाई एकछिन छोड्दैनथे ।
कक्षाकोठामा सर पढाइरहेका
हुन्थे भने आलोकचाहिँ आमाको
यादमा हुन्थे । 'त्यतिवेला मलाई
म यता छु, आमू के गर्दै होलिन्
जस्तो लाग्थ्यो,' उनले बाल्यकाल
सम्भिmए ।
तर, आजकल आलोक भाटभटेनी
फ्ल्याटमा बस्छन् भने उनकी
'आमू' धोबीघाटमा । त्यो फ्ल्याट
उनकी आमाले नै किनिदिएकी हुन् ।
त्यस्तो माया गर्नेे आमूलाई
छाडेर कसरी बस्न सकेका उनी ?
'मानिस अरू कुरासित जोडिँदै
जाँदा एउटा निश्चित उमेरमा
'डियर'हरूबाट टाढिँदो रहेछ,'
उनले भावुक हुँदै भने, 'आमाले
मलाई यो लैजा त्यो लैजा भन्दा
उहाँको कति निःसर्त प्रेम छ । म
त छोराका रूपमा नालायक नै हुँ
नि ! मेरो स्वभाव र कामले पनि
सँगै बस्न सक्दिनँ ।'
आमापछि आलोकलाई बुझ्ने उनकी
दिदी हुन् । अमेरिकामा पढ्दा
आलोकको गोजी रित्तिँदा
सबैभन्दा पहिला दिदीलाई पीर
पथ्र्याे रे । आफ्नी दिदीको
प्रेम गर्ने शैली गजबको लाग्छ
उनलाई । 'मैले केही नभनीकनै
मेरो आवश्यकता थाहा पाउँछिन्
उनी । मेरी दिदी चुपचाप माया
गर्छिन्, हल्ल्ाा गरेर माया
गर्दिनन् । मेरो शैली भने ठीक
उल्टो छ,' अनुहार चम्किलो
बनाउँदै भने उनले ।
आलोक निकै अन्तर्मुखी
स्वभावका छन् । आफूलाई व्यक्त
गर्न नजान्ने, आफूलाई देखाउन
नजान्ने । जान्न पनि नखोज्ने ।
त्यसमा उनी आफ्नो राशिलाई पनि
जिम्मेवार ठान्छन् । 'मेरो राशि
क्यान्सर -कर्कट) हो । मेरो
आफ्नै दुनियाँ छ । आफ्नो
सर्कलभन्दा बाहिर म जाँदै
जान्नँ । जतिसुकै ठूलो पीर परे
पनि म कसैलाई भन्दिनँ,' उनले भने
।
सानोमा यतिसम्म एकलकाटे
स्वभावका थिए कि एउटा कुनामा
रोएर बस्थे । भोक लाग्दा भोक
लाग्यो भन्दैनथे । कसैले उनको
कुरा बुझेर सोध्थे— के भयो भोक
लाग्यो ? बल्ल उनी टाउको
हल्लाएर भन्थे रे— अँ लाग्यो ।
***
७ कक्षा पछि स्कुल गएनन् आलोक ।
एसएलसी पनि प्राइभेट दिएर पास
गरे । त्यसैले 'टिनएज'मा सिकिने
राम्रा-नराम्रा बानी उनले
सिक्न पाएनन् । अर्काे बेन्चमा
बस्ने केटीलाई आफ्नी प्रेमिका
बनाएर कल्पिन पनि पाएनन् ।
कसलाई हेरेर कल्पे त ? 'माधुरी
दीक्षितलाई,' उनी हाँसे, 'उनको
नृत्य र हिँडाइले भुतुक्कै
पाथ्र्याे । 'मलाई त अझै पनि
माधुरीजस्तो कोही छैन जस्तो
लाग्छ ।'
माधुरीपछि चौध-पन्ध्र वर्षे
ठिटो आलोकलाई नीलमको निर्दाेष
अनुहारले खुब
आकषिर्त गथ्र्याे ।
आजकल हलिउडको न्याथोली
पोर्टमेनले पनि उनलाई
भुतुक्कै पार्छिन् ।
माधुरीको अल्लारे प्रेमी आलोक
कुरुवाको काम पनि गर्थे । उनका
दुई साथी प्रेम गर्थे, उनी
तिनको प्रेमलाई सुरक्षा दिने
काम गर्थे । चौरतिर डेटिङ फिक्स
हुन्थ्यो । उनीहरूलाई डेटिङमा
पठाएर पछि उनी लता मंगेसकरका
गीत गुन्गुनाउँथे ।
***
आलोकले धेरैलाई ब्रेक दिएर
मोडेल बनाए । उनका लागि मोडेल
मापदण्ड के हो त ? अग्ली र बान्की
परेकी केटी उनको प्राथमिकतामा
पर्छन् । उनलाई नेपाली टप फाइभ
मोडलको नाम भन्न लगाइयो । 'झरना
बज्राचार्य,' उनले सुरु गरे,
'त्यसपछि मेलिना मानन्धर, अनि
प्रसिद्धिका रायमाझी,
माल्भिका सुब्बा र नम्रता
श्रेष्ठ ।' यीमध्ये मेलिना वान
पिस लाग्छिन् उनलाई । 'उनलाई त
विश्वकै राम्रीमा राख्छु म । जे
लगायो त्यस्तै देखिन्छ । भोटे
ड्रेसमा भोटिनी देखिन्छिन्,
नेवारीमा नेवार ! अचम्मको
अनुहार छ उनको,' उनले दिल खोलेर
मेलिनाको तारिफ गरे ।
मानिसहरू आलोकलाई सोध्छन्,
'बिहे नगर्ने ? ढिला भएन ?' उनी
सहजै उत्तर दिन्छन्, 'नगर्ने ।'
बिहे नगर्नुका 'बलिया' कारण छन्
उनीसँग ।
पहिलो— उनलाई एट्याचमेन्ट
-आसक्ति) देखि डर लाग्छ । उनी
वियोग सहन सक्दैनन् । 'मैले
अहिलेसम्म बिछोड सहेको छैन ।
ठूलीआमा बित्दा बिछोड कस्तो
हुन्छ, अलिकति जानेँ । म कसैलाई
गुमाएर बस्न सक्दिनँ,' उनले भने
।
दोस्रो— उनलाई प्रश्न मन
पर्दैनन् । खाजा खायौ ? किन ढिला
आको ? फोन किन अफ ? किन भँुडी
लाग्यो ? किन दुब्लाको ? रक्सी
धेरै किन खायौ ? यी सबका जवाफ
दिने तागत उनीसँग छैन रे ।
तेस्रो— उनी वैवाहिक
सम्बन्धमा नाटक बढी देख्छन् ।
भन्छन्, 'एउटै बेडमा सुत्दा पनि
पोल खुल्ने डरमा लोग्ने
स्वास्नीसँग डराइरहेको हुन्छ,
स्वास्नी लोग्नेसँग । धेरैका
सम्बन्ध एक-अर्कालाई धोका दिएर
चलेका हुन्छन् ।'
***
उनलाई प्रेममा त्यति विश्वास
नहुनुका पछाडि केही त होला नि ?
'प्रेम नै त नभनौँ, दुईजनासित
आकषिर्त थिएँ म । दुईजनालाई
विश्वास पनि गरेको थिएँ । पछि
धोका भयो । अब कान समातेको छु ।
कसैलाई विश्वास गर्दिनँ,' उनी
आफ्नो किस्सा टुंग्याउन आतुर
देखिन्थे ।
हेर्दा चट्ट परेका छन् आलोक ।
मीठो बोल्छन् । आफ्नो पेसामा
पनि सफल छन् । उनलाई पछ्याउने
कति भेटिए त ?
'कति, कति !' उनी गमक्क परे ।
नेपाल टेलिभिजनमा इमेज
च्यानलको कार्यक्रम चलाउँदा
उनलाई बोराका बोरा चिठी आउँथे
रे । कति त रगतले लेखेर आउँथे रे
! रगतले लेखेको चिठी देखाएर
उनले टेलिभिजनमै सोधेका थिए,
'यो चिठी केको रगतले लेख्नुभयो ?
खसीको कि राँगाको ?'
उनको नाममा सिन्दुर लगाउने
फ्यान पनि थिए ।
उनैले चिनेको साथीले सोध्थ्यो
'तेरो नामको सिन्दुर लगाउने
केटी भेटाइदिऊँ ?' पूर्वतिरकी
एउटी केटीले टिभीमा देखिने
आलोकको नामको सिन्दुर लगाएकी
थिइन् रे !
त्यस्तो प्रेम गर्ने केटीलाई
भेट्नुपर्दैन त ? 'ए बाबा, उनले
मलाई हो त ? कार्यक्रम
प्रस्तोतालाई पो प्रेम गरेकी
हुन् त ।'
***
अहिले उनको परिवारले पनि उनलाई
बुझिसकेको छन् । आमू र भिनाजु
दुवै उनलाई भन्छन्, 'आफ्नो
जिन्दगी बाँच बाबु, बिहे नगर ।'
बिहे गरे अर्काको जिन्दगी
बाँचिन्छ र ? संसारका सबै
विवाहित अर्काको जीवन बाँचेका
छन् ? 'हो त, उत्तर दिँदादिँदै
जिन्दगी बित्छ,' उनले भने,
'सुरुमा प्रेम देखिन्छ, पछि
प्रश्नैप्रश्नले हैरान । मलाई
त सन्न्यासी हुन्छु कि जस्तो
लाग्छ ।'
आलोकसँग बिहे गर्न चाहने
केटीहरूको लाइनै थियो । तर,
उनलाई चिनेपछि सबै पाखा लागे ।
आफूलाई 'वान पिस' भन्न रुचाउने
आलोकलाई जिद्दी गर्ने कुरामा
कसैले जित्न सक्दैन ।
झरनासँग उनको नाम जोडेर धेरै
हल्ल्ाा गरियो । कतिले बिहे पनि
भइसक्यो भन्न भ्याए । यसमा
आफ्नै गल्ती भएको मान्छन् आलोक
। 'जति वेला पनि सँगै हुन्थ्यौँ
। हामीले मानिसलाई भन्ने ठाउँ
दियौँ । हाम्रो सम्बन्ध के
थियो, हामी दुईजनालाई मात्र
थाहा छ, र त्यो पर्याप्त छ,' उनले
भने । कस्तो हो त ? दुईजनालाई
मात्रै थाहा भएको सम्बन्ध ?
'अन्डरस्ट्यान्डिङ -समझदारी) को
सम्बन्ध !' उनले प्रस्ट पारे,
'मेरो आमू र दिदीपछि मलाई माया
गर्ने मान्छे हो झरना । मलाई
सानो दुःख परे पनि उसका आँखा
रसाउँछन् ।'
झरना मात्रै होइन, अरू केही
केटीलाई पनि आलोकसँग जोडेर
हेरिन्छ । केटी घुमाउने उनको
बानी पनि यसका लागि जिम्मेवार
होला । 'मेरो काम यस्तो छ कि केटी
घुमाउन थालेँ भने तिनीहरूले
उल्टै मलाई घुमाइदिन्छन् । काम
र रोमान्स फरक हुन् ।'
आलोकलाई लजालु केटी मन पर्छन् ।
आफ्नो स्टयान्डमा बस्ने
केटीलाई कसैले हेप्न सक्दैन
भन्छन् उनी । छिल्लिने केटीहरू
उनलाई कत्ति मन पर्दैनन् ।
'आजकल त केटीहरू तीन हात उप|mेर
आउँछन् । राम्रो केटा
देख्नेबित्तिकै के-के भन्दै
नाटक सुरु गर्छन्— कस्स्स्..तो
राम्रो फूल.... आबुइ कक्रोच ...!
गालामा चड्याम्म हिर्काइदिउ“m
जस्तो लाग्छ ।'
आलोकले कस्ती केटी पाए भने बिहे
गर्लान् त ? कस्ती होलिन् उनकी
डि्रम गर्ल ? 'शिल्पा सेट्टीको
जस्तो जीउ, मेलिनाको जस्तो
अनुहार, माधुरीको जस्तो लचकदार
चाल, सोनम कपुरको जस्तो
मुस्कान, नीलमको जस्तो कपाल,
न्याथली पोर्टमेनको जस्तो
निर्दाेषपन भएकी केटी पाइयो
भने बिहे गरिन्छ,' उनले भने ।
संसारमा यस्ती केटी सायद
नपाइएला ।
आलोकलाई टिपिकल देखिने अनुहार
मन पर्दैन । दीपिका पादुकोणलाई
सबैले राम्री भन्छन् ।
अभिनेत्रीका रूपमा उनी
दीपिकालाई राम्री मान्दैनन् ।
'अनुहारले दीपिकालाई भारतीय
देखाउँछ । नजिक गयो भने तेल
गन्हाउला जस्तो !' दीपिकाको
कपाल सुँघेजसरी भने उनले ।
धर्मशास्त्रका पात्रमध्ये
सावित्री आलोकको मन पर्ने
पात्र हुन् । भन्छन्, 'उनले
महिलाशक्तिको सीमाहीनतालाई
देखाएकी छिन् ।' सीता पटक्कै मन
पर्दिनन् रे ! किन ? 'नचाहिने
सहनशील भएकीले,' उनले भने ।
द्रौपदी नि ? 'झन् मन पर्दैन ।
पाँच-पाँचजनासँग बिहे गर्ने हो
त ?' द्रौपदीसँग रिसाएजस्तो गरी
भने उनले । मीरा संसारकी
सर्वाेत्कृष्ट प्रेमिका
लाग्छिन् उनलाई । 'मीरामा
समर्पणभाव अत्यन्त धेरै छ,'
उनले कारण बताए ।
केटाहरू केटीभन्दा बढी
धोकेबाज देखेका छन् उनले ।
'केटो एकैपटक पाँचजना घुमाएर
हिँडिरहेको हुन्छ,
प्रेमिकासँग चाहिँ तेरो
पूर्वपे्रमी थियो भनेर निहुँ
खोज्न सुरु गर्छ,' उनले भने ।
आफूले देखेका जोडीमा भास्कर
ढुंगाना र रेसु अर्यालको जोडी
उनलाई आइडियल लाग्छ । यस जोडीको
समझदारी देख्दा उनलाई पनि बिहे
गर्न मन लाग्छ रे । मेलिना र
मुकेशको जोडी उनलाई मन पर्ने
अर्काे जोडी हो ।